السلام عليكم أنا الصحفية/هند جابر
من جريدة لَحْنّ الأدبية والأخبارية، ممكن الموافقة أني أعمل حوار صحفي معاك؟
-طبعاً اتفضلي
١-ممكن تعرف نفسك في بضعة سطور؟
-اسماء الزيني، 16 سنه، من "الدقهليه"مركز المنزله، عقلانيه الى حدٍ ما وحبيت الكتابه لأني شوفت نفسي فِـ ده وبحاول علىٰ قدر الامكان اني اطور من نفسي وأسلوبي الفتره الجايه.
٢-ممكن تقولنا بدأت كتابة أمتى؟
_بدأت من 2019 لما قرأت روايه لِـ" احمد ناجح صيد" قررت إني أحاول وفعلاً عملت قصه قصيرة هو اُذهل بيها.
٣-مين أكتر الشخصيات اللي قابلتك ف مجال الكتابة وأثرت فيك ككاتب؟
_أحمد ناجح صيد
٤-هل واجتهك صعوبات ف المجال؟ وازاي تخطيتها واتعاملت معاها؟
_طبعاً، زي المعاني والنحو طبعاً، قدرت اتخطىٰ ده بـ إني اخد كورسات واطور من نفسي فِـ المجال ده.
٥-بالنسبالك الكتابة هواية او موهبة ولا ممكن اي شخص يكتب عادي؟
_هي بالنسبه ليا كانت موهبه بس اكتشفتها متأخر، واعتقد ان مش اي حد هيقدر يكتب او يعبر عن اللي جواه بالاسلوب الادبي لازم يكون عنده الموهبه.
٦-من رايك الكاتب المثالي او الناجح بيتصف ب اي؟
_لازم يكون عنده طموح ومش اي حاجه او شخص يقدر يوقفوا عن طموحه واحلامه، صبر لأن المنتقدين بيكتروا الفتره دي، التواضع اهم شئ تقريباً.
٧-مين مثلك الأعلي؟
_فِـ المجال د/أحمد خالد توفيق، وبره د/مجدي يعقوب.
٨-مين وقف جمبك وشجعك ف اول خطوة ليك ف المجال؟
_احمد ناجح صيد وصحابي ليهم فضل كبير اني اكون هنا.
٩-كلمنا عن انجازاتك؟
_عملت كتاب 'نزيف احرف' ودا اتنشر إلكتروني وإن شاء الله فِـ معرض الكتاب الجاي بأكتر من عمل.
١٠-كلمنا عن خططك المستقبلية ف مجال الكتابة؟
_اني اشارك فِـ معرض الكتاب بأكتر من عمل ودا أهم مخططاتي بالنسبه ليا.
١١-هل عندك مواهب تانية؟
_اه برسم.
١٢-سمعت عن جريدة لَحْنّ؟
_ايوه، هي جريدة جميله حرفيًا وفيها كمية طاقه ايجابيه متتوصفش.
١٣-تتمنى اي من الجريدة الفترة الجاية؟
_يعملوا حوارات صحفيه كتيره مع أكتر من موهبه وإنها تكبر فِـ الفتره الجايه.
١٤-وجه كلمه للكُتاب والجريدة؟
_أيًا كان حلمك وعندك طموح وإيمان بنفسك إنك هتحققه، هيتحقق.
١٥-كلمة أخيرة نختم بيها الحوار الصحفي؟
_الحلم مش بيتحق فِـ يوم وليله لازم تسعىٰ وتدور علىٰ اللي انت عايزه ومفيش حاجه بتيجي من غير تعب كمل واتعب ربنا مش هيضيع تعبك.
سعدت جدًا بالحوار مع حضرتك شكرًا جزيلًا.