مش هجبر حد على حاجة
هكون لنفسي أنا سند
ومش محتاج لحاجة
م كفايا سندنا بكفايا
م كفايا اللي مات جوايا
لسه هنعيد اللي فات
ونقلب في الذكريات؟
ونقعد نبكي بالساعات
هي مش خلصت الحكايات؟
وكبرنا وعقلنا وبقينا واعيين بكفايا
بس أنا محتاج فعلًا أكون قدام
على قد ما أنا تعبان
بس أنا لسه ولهان
ولساني بيعافر في حاجات جوايا تعباني
ولا أنا قادر أنسى
ولا قادر أكمل من سكات
ونسكت ليه
ما اللي ضاع ضاع من زمان
وهل سكوتنا هيرجع اللي كان؟
مش كان كلامنا في وقته يمكن ليه فوايد
وكان ممكن نصلح اللي اتكسر ومنسلمش للبعاد
بس كفايا كل شيء حلو مات جوايا.
لسه كنت فاكر بسمتي لمَّا كنت إنسان فرحان
َولا يعيني لهفتي وخوفي عليهم بالساعات
وكل ده يطلع وهم وأنا لسه مصدق من سكات
ايه هتفضل تعاني لوحدك؟
ليه متمشي انت كمان بسكات
هو الكلام يعني كان ألماظ؟
م ياما اتكلمنا وعاتبنا ولا نفعت أي كلمات
مش يمكن لمَّا تمشي قلبك يهدى وينسى اللي فات؟
لا كداب أنا قلبي عمري ما كان نسي
ده دايمًا تعبني بالأفكار
تحس كأنه حابب يعذبني ويأنبني على اللي فات
جرى ايخ هو أنا اللي كنت لوحدي اللي مشيتك؟
مش أنت يا قلبي اللي صدقت وقسيت؟
وياما عيطت وبكيت
ولا كأنك كنت في عزاء
وصاحب العزاء ملوش أهل
فكنت قايم بالدورين
دور يواسي
ودور يبكي
طب وانت فين في كل الأدوار دي؟
هل أنت لسه عايش ولا ميت ولا عابس ومستني اللي فات؟
كان زمان حلمك تكمل من سكات؟
وأهو حلمك بيتحقق بس خسرت كل اللي فات؟
آية فرج