لقاء مع أبنة مطروح الكاتبة أماني سعيد، لا ليس السن أنه طموح الإبداع، أنها تلك الفتاة التي لم تقف لأنها بسنًا صغيرة، بل أردت تحقيق أحلامها وأجتياز الصعاب لتتقدم بازدهار نجاحها، هيا بنا نبدأ لقائنا مع كاتبتنا المتميزة، والمتألقة بسن صغير، أنها الكاتبة أمانى سعيد ونبدأ بسؤالها عن:
أسمك أيه يا جميل؟
أماني سعيد المصري.
–أنتِ منين وبتدرسي اي؟٢
من مطروح في تالتة ثانوي عام
_كلميني عن امانى سعيد، ككاتبة، وكحياة عامة.
= يمكن مفيش فرق كبير بين حياتي ككاتبة وحياتي العامة لأن الكتابة بقت حياتي وبقت واخدة معظم وقتي، رحلتي مع الكتابة بدأت من سنة تقريبًا، كانت مقتصرة على شوية حروف بعبر بيهم عن اللي جوايا، مكنش عندي صحاب غير واحدة بس ف كنت بكتب عشان أرتاح، عمري ما تخيلت أني هبقى كاتبة ولا اني اقدر أوصل لهنا، الموضوع كله كرم من ربنا ودعم مستمر من أهلي وصحابي.
_اي انجازاتك فالكتابة؟
=اشتركت في كُتب مُجمعة إلكترونية زي
_ بداية حرف
_ تينبريس
_ متاهة الأفكار
وبعدها أسست الكيان الخاص بي واشرفت على كتب إلكترونية بنفسي زي
_ مُشَوّش
_ الرقص على حافة الهاوية
_ أخر شعاع للشمس
واشتركت في كتاب مُجمع ورقي "الانفاس الأخيرة"
وقمت بإعداد اول كتاب ورقي يحمل اسم الكيان بتاعي "ارشيف القلب"
الكتاب ده خد مجهود كبير جدًا والحمد لله خلص في وقت قياسي وبجودة عالية.
–مين الداعم الأول ليكي؟
=من عيلتي كانت والدتي الداعم الأول ليا وكانت بتقرا لي وتقولي ملاحظتها دايمًا، من اصدقائي كان عندي ندى، أول واحدة اكتشفت إني بكتب ومان اول شيء كتبته هو إسكريبت ليها ومن بعدها أتعرفت على ناس تانيين حبوا كتابتي فدعموني وأتحول أصدقاء السوشيال لمصدر دعم كبير، كان عندي سارة وفاطمة أكتر اتنين بتمنى اقابلهم ع الواقع عشان أشكرهم على وقوفهم جمبي ودعمهم المستمر.
_اي اكبر إنجاز فحياتك؟
= حتى الآن موصلتش للأنجاز اللي أقول عنه كبير، كل دي خطوات بسيطة لحلم كبير مسيره يتحقق في يوم بأذن الله.
– نصيحتك للمبتدئات في المجال، وأخطاء وجهتك.
- أفتخري بكل مرحلة بتوصللها مهما كانت صغيرة لأن مشوار الالف ميل بيبدأ بخطوة، أوعي ترجعي لورا طالما قررتي تمشي لحلمك يبقى مفيش رجوع، من الأخطاء اللي وقعت فيها أني سمحت لحد يقلل مني أو يستكتر عليا الحلم، مش من حق حد يفرض رأيه عليكِ لو انتي واثقة من نفسك كملي، الكلاب تعوي والقافلة تسير، أوعي تسمحي لحد يوقف طريقك، وفي نفس الوقت اسمعي آراء كتير من الناس سواء كانت سلبية أو إيجابية هتساعدك تطوري نفسك بعدين.
_واخيرًا، شايفه امانى سعيد فين كمان سنه؟
=هسيب الوقت يجاوب على السؤال ده، حلمى كبير وعشمي في ربنا اكبر وطموحي مش مُجرد كاتبة في حاجة اهم بدعي ربنا ينولهاني السنة الجاية وهكون في قمة سعادتي وقتها، كل اللي شيفاه إني لما طلبت من ربنا امنية عطاني اماني وحلمي مش بعيد عليه والسنة الجاية هتكون افضل بكتير إن شاء الله.
- فى نهاية هذا القائك أحب أقول اتشرفت بالحوار معاكى ربنا يزيدك يا جميل انتى تستاهلى كل خير وشكرًا جدًا.
= الشرف ليا.
في نهاية هذا المقال أود شكر الكاتبة المتألقة أماني سعيد متمنين لها المزيد من التقدم وتحقيق الانجازات، اتمنى أن ينل إعجابكم هذا القاء اللطيف مع الكاتبة المتميزة أمانى سعيد.
الصحفية:أسماء أحمد
من جريدةلَحْنّ
حوار جامد صراحة و حبيته جدااا
ردحذفالله يعزك يا قلبى الله يدينك ويديم جمال عيونك🥺❤❤❤🌚
حذفالله يعزك يا قلبى الله يديمك ويديم جمال عيونك🥺❤❤❤🌚
حذف